Ḥṭiṭuc

Tullist-a ur telli wara d asnulfu s usuggen-nneɣ, d tullist i d-nura s umsasa n yiwet n tmacahut i yellan deg tsekla timawit taqvaylit tansayt, d tamacahut n "Friṭis yexlan taxxamt Ɛemmi-s". Tamacahut-a newwi-d deg-s ala tiggawin tigejdanin, maca taqsiṭ n tayri i tla, d asuggen i d-yellan deg wallaɣ-neɣ, daɣen nesmeskel ismawen n yiwudam n tmacahut ɣef wakken llan deg tadra-nsen, akken i as-d-nerna kra n iwudam. Izen deg tullist-a yemgarad...
More Description

Tullist-a ur telli wara d asnulfu s usuggen-nneɣ, d tullist i d-nura s umsasa n yiwet n tmacahut i yellan deg tsekla timawit taqvaylit tansayt, d tamacahut n "Friṭis yexlan taxxamt Ɛemmi-s". Tamacahut-a newwi-d deg-s ala tiggawin tigejdanin, maca taqsiṭ n tayri i tla, d asuggen i d-yellan deg wallaɣ-neɣ, daɣen nesmeskel ismawen n yiwudam n tmacahut ɣef wakken llan deg tadra-nsen, akken i as-d-nerna kra n iwudam. Izen deg tullist-a yemgarad ɣef win n tmacahut yellan s wudem n teḍsa deg tadra-s, izen deg tullist-a, d asevgen n ṭṭmeɛ akked tmuḥqranit ɣur cudden yemdanen, d tulmisin i lan yimdanen deg tmetti n yallas, ama win-d s lexver ama war ma rran-d s lexver. Ass-a aɣilif ɣef sɛaya d win izaden, almi imdanen ttun tayri ɣef tevna ddunit, tayri i izeddin akken ad tger anecraḥ ɣer wulawen, ass-a d tixidas i yuɣen adeg n nniya, d vav-nsent i izemren ad yeksev ayen ira, d vav-nsent kan i izemren ad yeksev ulawen akked tayri. Seg tama-nniḍen aẓawali, igellil ur ili adeg deg tmetti, ula ɣer yiɛeggalen n twacult-is, akken i yella yiwen n yizen-nniḍen ɣef wid akk i seqdacen neɣ i yesseḥviviren ɣef warraw-nsen ttɛettiven wid-nniḍen, ladɣa gar wid yefka lḥal. Tullist-a d agmuḍ n yimenzayen i tezgel tmetti, d agraw n wansayen i selmadent tmucuha n zik i warrac imecṭuḥen. Imi yekfa lkanun d ddala n udlis, ad yeṭṭef amkan-is, d lawan n tewsatin n tsekla tamaynut ad aɣent adeg deg tsekla taqvaylit. Aḥraz nuqvuṛ akked unerni deg umaynut d aquddim ɣer sdat akken ad d-yufrar yidles aqvayli yettuḥettem fell-aneɣ.